الصورة الي( بجوالي) تعذبني!!!

قصيدة اعجبتني وحبيت تقرونها ان شاء الله تعجبكم

الصـوره اللـي ( بجوالـي ) تعذبـنـي
ياكثـر ماجيـت ابمسحهـا ! واخليـهـا
ياللي جفيت وجفـاك المـر .. ذابحنـي
عقبك وجيـه البشـر .. مانـي بدانيهـا
من يوم حبك .. غزى القلـب وتملكنـي
قطعـت كـل العـلاقـات وطواريـهـا
اقـرى رسايلـك ودموعـي تسابقـنـي
وارد ! واقرى الرسايل .. واحتفظ فيهـا
انت آخر انسـان هاقـي منـه يصدمنـي
والظاهـر ان هقوتـي بانـت مواريـهـا
لـو الوصايـا ليـا احتديـت ! تنفعنـي
ياكثـر نـاس ٍ علـى ذودي بوصيـهـا
ليت الفـرح ( بنـك ) لاجيتـه يسلفنـي
واقاصده ( راحتـي ) وحقوقـه اوفيهـا
من كثر ماكنـت ! جارحنـي وظالمنـي
قمت اعزل جروحـك بقلبـي واسميهـا
تـدري وش اللـي يبكينـي ويضحكنـي
انـك محـامـي قضيتـنـا وقاضيـهـا
تدري متاك ؟ تعـرف قـدري وتفقدنـي
لارخصت نفسك ,, لشخص ٍ مايراعيهـا
بكـره الا هملـوك الـنـاس تذكـرنـي
وتقول عـزاه : عينـي مـن يداريهـا ؟
مدام غيـري ؟ علـى قلبـك مشاركنـي
وش هـو لـه ؟ اعلـق الأمـال وابنيهـا
يكفينـي انـك رحلـت ومنـت عايفنـي
هذا عـزا النفـس مـن كثـرة بلاويهـا
اهديتك : دمـوع مـن طعنتـك تحرقنـي
وانـت اللـي تستاهـل الدنيـا ومافيهـا
واهديتني جرح .. موجعني ؟ وعاجبني ؟
لــن الهـدايـا عـلـى مقدارمهديـهـا
صحيح ! ( حنا انتهينا ) .. بس صدقني !!
والله ان تبقى ( هوى روحـي ) وغاليهـا
مفضوح ؟ راع الهيام .. ونظرته !! تغني
ملامحه واضحه ! , في وجهـه راعيهـا
لكـل داء ٍ دوا .. لـو هــو متعبـنـي
إلا محبتـك ؟ .. أعيـت مـن يداويـهـا
ان قلـت : علمنـي انسـى ؟ لاتعلمنـي
دنيـاي لامـن نسيتـك ويــش تاليـهـا
فارقتنـي وضحكتـك عيـت تفارقـنـي
والله يلعـن ابــو الفـرقـا وطاريـهـا
مقدر !! أفكر بغيرك ؟ .. وانت عارفنـي
عشان حاجه ؟ بقلبي .. مقدر !! أخفيهـا
اخاف لاحبنـي غيـرك ؟ .. وعاشرنـي
يشوف صورتـك فـي عينـي ويوحيهـا
نشدت عنك ؟ وسمعـت اللـي يفرحنـي
وارتاح صـدري مـن همـوم ٍ يحاتيهـا
تبي تعرف ! وش ؟ على الفرقا مصبرني
انـك بخيـر .. وحياتـك مهتنـي فيهـا
مـن يـوم ماغبـت ! والوحـده تعذبنـي
اقرى ( رسايلك ) في حرقـه والاحيهـا
اشوف ( صورتك ) .. ودموعي تسابقني
وياكثـر ماجيـت أبمسحهـا ؟ وأخليهـا

منقووووووول وبقوة ...

العفو

ومشكور ع مرورك

انت آخر انسـان هاقـي منـه يصدمنـي
والظاهـر ان هقوتـي بانـت مواريـهـا

قصيده راائعه ـ .. والله استمتعت بقرائتها .!

ياهو فيه عذاااب الله يعينه ..

من جد دائما تثبتين لي .. إنك المتألقه بينهم ..
يعطيك العاافيه ..

:)
تقبلي مروري ..
مني خذوك ..

والله والله عذااااااااااااااب

تعبت وانا اقرا في هل قصيده
وتعب قلبي من كلماتها وحروفها حسيت انا الكلام كله موجه لي

يعطيك الف عافيه على النقل اللي عذبني
رائعه في اختيار مواضيعك اللي تعذب
اقول عاد بسك من العذاب وجيبي شي يفرح ويضحك

تحياتي لك يا ذووووووووووق

مشكوره ع مرورك يا مني

ويااخت ملااك

اذا انا ادور موضيع تعذب لانها

يمكن حاله وصارت لي

ويمكن مازلت بتصير

نفارق نااس

وتقاابل

اهم شي جعلكم ماتفارقوون لا غالي

ولا حبيب

وان فارقتوا

انشاء الله تقابلونه

بدنيا واخره

ربي يجمعكم

وش تبيني اقول يازيرو واقووله

عيا الوصف لايجيني .. والله وانا اقرها عاجبتني حيييييييييييييييل

فيها قوه وحنان بنفس الوقت ..

اختيار قدع في القصايد المنقوله

تسلم لي يدكـ يا قمر

العفو ياعسل

ومشكوره ع المرورك

اشوف ( صورتك ) .. ودموعي تسابقني
وياكثـر ماجيـت أبمسحهـا ؟ وأخليهـا

عن جد مؤثره لا عدمتك يالغلا

من يوم حبك .. غزى القلـب وتملكنـي
قطعـت كـل العـلاقـات وطواريـهـا

----------------

مرره الكلماات حلووه ..

يعطيك العاافيه ياعسسل ..

ولآتحرمينآ من جديدك . .

مشكوره ع مرورك يالغلا

جعلك ماتفارقيين غالي

» ماذا تفعل عندما لاتظهر الصورة وتظهر علامة X ؟
» ماتت زوجتة وحول جثتها لطاولة فى المنزل ادخل وشوف الصورة