السلام عليكم
ورحمة اللـــــــــــــــــه وبركاتــه
مالكم بالطوااااااااااااالـــــــه(وجه يناظر مدعس) -:
المهم انا اليوم جايه وقد بعت اليوزر وارخصت اشرافي في سبيل ماسيحدث
===================(ملاحظة:اذا قدّر ربي والمشرف صار حليل ولاحدث اي مكروهـ لموضوعي ..اتمنى محد يزعل
لان الموضوع سواليف ومزح يعني اللي بيزعل او عندهـ حساسية من البيض والكورهـ لو سمحتوا
لاتكملون الموضوع من الحين اقولها *اللي عندهـ نية زعل وطقاق ترى الباب يوسع جمل*)
اول شئ ابدا موضوعي الحسّاس :
ببعض الجمل اللي كنا نسمعها كثيرا ونحن صغار
<<احس اني كبر جدتي يوم قلت ونحن صغار
اول هذهـ الجمل التي ستكون السبب في مقتلي على يد بعض المتهورين هداهم الله
((ببسيه ببسيه ..كل الهلال شخصية
))و
((ميراندا ميراندا ..كل النصر عبندا
))وايضــــــا مما قد سمعت في طفولتي
((النصر عالي عالي))و((الهلال تحت نعالي))
===============================نعم نعم
انها جملٌ لاتروق لي ابدا
فألفاظها غير جيدة<<اشوى انتس خفتي يذبحونتس خخخخخخخخخـ
لماذا منذ ولدت وخرجت على قفا الدنيا
وانا اسمعهم يرددون
نصراويهلالي
نصراويهلالي
كفااااااااااكم سخفاً
<<تعبت وانا اقولها
لين متى جد ترى ماصارت؟
=====================بقولكم قصتي مع الهلال و النصر
منذ نعومة بصيلات كشتي وانا اشوف الناس تتكلم وتهرج ولكن لاااعي شيئا
الى ان اخذتني صديقة الطفولة وامسكت يدي وامام الجميع صدمني سؤالها
((
مني خذوكـ )) هلاليه و الا نصراوية ؟
قلت : يعني وشو .؟
قالت : يعني وش تشجعين؟:
قلت : الاســــــــــلام
قالت : ياغبية اقصد بالكورة
قلت من اللي يصلون اوّل؟
قالت كلي تبن كلهم يصلون
قلت اشجعهم كلهم اصلا انا احب السعودية <<< وجه فاهم غلط ولاعندهـ ماعند جدتي
حست اني ضائعة فأخذت بكلتا يدي نحو الدرب المجهول
وصارحتني بكل اسى
(( مني خذوكـ )) انتي فتاة ناضجة الى متى ستبقين بلا هوية
بلا معنى
بلا ذات
بلا فريق
<<يمديكم عالمسرحية ..
++++++++++++++++++++++المــــــــــــــــهمـ
اتوقع اني شجعت الهلال اسبوعين او ثلاثة ..يمكن اربعة,,او خمسة بالكثير ..واحتمال ستة ,,بس اذا تعدت سبعة اسابيع
مستحيل تكون ثمانية اسابيع<<مسكت خـــــــــــــــــــــــــــــــــــــــط ..:
وجت نقطة التحول بحياتي
وشجعت النصر يومين *
بس بعدهـــــــــــــــــــــــــــــــا قررت اعتزل
صرت الى ساعتكم هذي اشجع اللي يفوز .
*(سبب تشجيعي لل
نصر)=كنت نايمة عند بنت خالتي وعمّها نصراوي متعصب ويشتري حلويات للي يشجعون النصر
فتخليت عن هويتي الهلاليه
طبعا بدون مااعلم صديقتي خخخخخخخخخخخخخخخخخخخخخخخـ يقالي امثّل عندها اني مخلصة ..
=========================================اسئلة لكل نصراوي و هلالي *متعصب*
1-وش استفدت يوم انك مضيع وقتك تقابل هالمهبّل يراكضون ورى الكورة كنهم مشافيح؟
2-ياعشاق سامي وياسر وسعد ويوسف ومحمد و و و تطول القائمة..ماذا جنيتم ورى ذلك؟هل عرفوا حبـ:love:ـكم لهم؟كلا والف كلا انهم ماجابوا خبركم ابدا ..
3-ماذا سيضرك لو شجعت كل سنة فريقا فالانسان بطبعه يحب التجديد؟<<تحسب العالم زيها يوم شافت عم بنت خالتها تخلت عن الهوية<<امحق هوية..
4-لو يسب شخص عزيز وغالي فريقك وبأقوى قوى.. وش تسوي ؟ تطقه ؟ تزعل ؟ تطنش بما انه شخص غالي عليك ؟
===============================لكل بداية نهاية
كبداية تشجيعي للهلال وانتهائي بمسك علم النصر لنيل بعض الحلوى من عم بنت خالتي
واللي يبي يتحمس مرة لايرد
عارفة ردودكم ياراعي الكورة<<بدت بالغلط خخخخخخخخخخخخخخخخخخخخخخخخخخخخخ
بيجي واحد يقول
(ياسر تاج راستس ياغبية والهلال سيظل عشقي ماحييت)
(تسأليني لماذا أشجّع الهلال ؟ يالغبائك وسذاجتك كأنك تسأليني لماذا اتنفس )
(النصر العالمي سيظل في عروقي وقلبي وابو مشعل سيظل الاول مهما كانت الاحوال .. مني خذوك لو سمحتي غلطتي عليهم ولااارضى بذلك)
عالعموم اللي بيرد ويوسع صدري وصدرهـ بالعافية
حيـــّـــاهـ.. ^_^واللي بيزعل
والا بياخذ بخاطرهـ
والا بيعتزل
يقضب الباب طال عمرهـ ..:
طبعا الموضوع
منقولـ بس والله فيه روح من روحي
صدقوني إن حتى الموقف صار لي.. :(
لكن الحمدلله الحين جات سليمه وقمت اقول اني اشجع النصر ..
بس لاني احب
اللون الاصفر .. والا بالرياضه مالي فيها ولاني حولها ابد ..
اتمنى ما تزعلون مني .. وترى صحيح نقلت الموضوعـ بس اشتغلت فيه وعدلت كثير ..