انا منهـو حمل همّهـ على راسه تقول عقآل !! مجآديف الزمن دآرت عليه ونسّف الغترهـ !

السلام عليكم ورحمة الله وبركاتة

أتمنى أن يعجبكم هذا الاختيار

/

\

/

على الله يازمن بشكي جروحي والليالي طـوال

عسى راعي العنا ينسى عناه وينشرح صـدره

على الله يازمن بشكي همومي والهمـوم جبـال

تعدّت عاصمة حزنـي حـدود العالـم بأسـره

خساره يالسنين اللـي كتبتـي سيـرة الرحـال

فرحت امس وحزنت اليوم بس الخوف من بكره

لساني كم شكى صمته والى منّه حكـى ماقـال!

طغى طبع السكوت بسيرة المحروم من صغـره

سقى الله يوم كنت اضحك وبالي مستريح البال!

ضحوكٍ ماعرفت الحزن وش معناه وش قدره؟

وكبرت وكبرت احلامي وصارت قصة الترحال

اماني في مهب الريـح وحلـمٍ ماكتمـل بـدره

بعذر اللي مع ايامه جلس يبكي علـى الاطـلال

تذكر ماضـي افراحـه اليـن خنقتـه العبـره

عزيزه يالعيون اللي حضنتـي دمعـة الرجّـال

حبستي دمعته بين المحاجر يوم ضـاع امـره

عزيزه يالحروف اللي سكتـي والكـلام يقـال

حكيتي.. ماشكيتي الهـمّ وهـمّ القلـب ياكبـره

عزيزه ياليدين اللي ثنيتك باصعـب الاحـوال

اكفّك ساعة الحاجـه وامـدّك ساعـة القـدره‍!

وعزيز النفس لو يصبر على صبر الليالي نـال

ابصبر والرجل يصبر ومقياس الرجل صبـره

انا منهو حمل همّه على راسـه تقـول عقـال!

مجاديف الزمن دارت عليه ونَسّـف الغتـره!!

وانا منهو فقدصوته وبعض الصوت به مـازال

دعيـت الله يفرّجهـا علـيّ وبحَّـت النـبـره

أشيل الحمل عن غيري وحملي صار ماينشـال

كماالشيخ الهزيل اللي مشيبـه منقـضٍ ظهـره

جروحي مزنةٍ منها هطل فيض الشعـر همّـال

سقت جدب العروق اللي تبلـل ريقهـا قطـره

وعن حر الزمن صارت حروفي للجروح ظلال

تذرّت عن هبوب الياس حلمٍ قـد بنـى قصـره

عساها للمطر روحٍ بهـا وادي الظمـا ماسـال

عروق سنينها جفّت وورّاهـا الزمـن غـدره

عساها للمطر روحٍ قضـى مرباعهـا ماطـال

كساها ثوبها الاصفر.. وكانت تلبس الخضـره

على الله ينجلي وقتٍ قضيتـه هـمٍ و غربـال

ويشعّ النور في قلبٍ غشى ليـل الظَلَـم فجـره

على الله والولي الله وبامـر الله يزيـن الحـال

ويضحك للزمن قلبٍ مع همومه قضـى عمـره

وسلامتكم

ابيات جميله جدا ويعطيك الف عافيه يا اخت عبيد

على الله يازمن بشكي همومي والهمـوم جبـال

تعدّت عاصمة حزنـي حـدود العالـم بأسـره
الشاعر هنا يصف الهموم غلى انها جبال والجبال معروفه بثقلها وارتفاعاتها
ويزيد في الوصف بان اتساع همومه تعدا الارض
وهذا وصف جميل لاقى الاعجاب مني
شرايك فيني ناقد مالي حل روحي وفالك البيرق

طغى طبع السكوت بسيرة المحروم من صغـره

سقى الله يوم كنت اضحك وبالي مستريح البال!

وهذا البيت بعد اعجبني
ومشكوره على الموضوع

هههههههههههههههاااااي

والله حسيتك تحب الادب وتشرح ومدري ايش

بس والله تنفع جد

ربي يعاافيك ويسلـمك ,,

كل يوم تعال هنا

عسى راعي العنا ينسى عناه وينشرح صـدره

<<<< آميييييييين
فرحت امس وحزنت اليوم بس الخوف من بكره

لساني كم شكى صمته والى منّه حكـى ماقـال!
<< مررره خطيييير ~

تسلمييين [ اخت عبيد ] القصيده مره حلوه عساك ع القوه ِ ~ مآقصر غلآ خذ مكآن د. غسان

لساني كم شكى صمته والى منّه حكـى ماقـال!

طغى طبع السكوت بسيرة المحروم من صغـره

سقى الله يوم كنت اضحك وبالي مستريح البال!

ضحوكٍ ماعرفت الحزن وش معناه وش قدره؟

..............................................................

لساني لو شرح اعجابي بالقصيده وقال

طغى الوصف الي بقوله وتعدى الشهره

سلم الله يد تختار لنا شي ماجا على البال

كثير الي يختار شي ماعرف معناه ولا قدره

... وش رايكـ فيني ..<< اخس ياشاعره على الطاير عسى يعجبكـ ...

تحياتي ياحياتي ..

اخت رويشد

فلسف ,,

ربي يسلمك ياقلبي

لاعدمنااك

مرووم

وهـ بس فديييييتك

والله خطييررر

ربي يخلييك لنا :D

ربي يسلمك يااعسل

لاعدمناك

طغى طبع السكوت بسيرة المحروم من صغـره

سقى الله يوم كنت اضحك وبالي مستريح البال!

يسلموووو رووعه

طغى طبع السكوت بسيرة المحروم من صغـره

سقى الله يوم كنت اضحك وبالي مستريح البال

آآآآهـ بس مشكوره ع نقل مميز

وصح لسانك ولسان قايلها

ربي يسلمك زيروو

لاعدمناا توااجدك

» خـــاطره ((الزمن علمني من تحبه لاتبين له غلااااه))
» لا تقول ما سويتها ..
» تقول طفشت من العزوبيه
» بنت ماتت وهي تقول لابوها ماسويت شي
» ليه تقول لأهلك لا احد يفتح جوالي ؟