حزن العالم يحتويني

السلام عليكم ورحمت الله وبركاته..


كيف حالكم
ادري فقدتوني

<< ترفع معنويات نفسها

طيب

ببدي بشي انا كاتبته هي

محاولات اوله

وعادي اتقبل النقد قبل المدح


<<عارفه محد بيمدح

طيب ماطول


هذي اقولها للي يلموني علشان تركته

تراه مو ضروري انها حقيقه انها شي من الخيال


مدخل




ماتركت قلبك الى ن تأكدت ان قلبك مايبيني

ماجفيتك لين مانحرق قلبي وانت ماتدري فيني

جمعت لك كل مشاعر وأحساس الحب وسلمته لك بأيديني

بس ياخساره دووم بالبرود وعدم الاهتمام تلاقيني

حتى يوم مانويت فرقاك ماكلفت على نفسك تراضيني

والحين تدعي انك حزين وتقول حزن العالم كله يحتويني

اذا حتى سؤال ماكلفت تأسألني وتشوف أنا وش فيني

كيف تحزن على شي تبيه ينتهي جد فهمني

أنا بغيابك مالقيت أحد يواسيني غير دموع

هي اللي بعد فرقاك تهون علي ايامي وسنيني

حب بعد ثلاث سنين بأنهيه بأيديني

وأنا اللي أحسب بتكون معاي لاأخر سنيني

بس ماقدرت اصبر على جروحك ياطعوني

خليتني مثل الطفل التايه اللي يدور على صدر الحنوني

مالقيت غير ربي اشكيه همي وهو عالم مافي صدوري





وسلامتكم



مخرج

(سبحان الله اللهم اغفرلي ولوالدي وهون مصيبتي وخلفلي خيرنا منها),,

عــظيم ما كتبتيه يا زيرو كولــد

لا اريد انا ا اكسر كلامك اوقول ..!
انك محقه في ان
بالامكان يكون الشعر مجرد قصه بالخيــال .!

إنتي مبدعه يا زيرو كولــد ..!

جميله جدا مشاعرك ..!

صادقه شفافية الاحساس الدافئ ..! اللذي تملكينهـ

اقتباس :

حتى يوم مانويت فرقاك ماكلفت على نفسك تراضيني

شعووور يذبل ويطفأ شمعة القدر ..!
كم صعب جدا ان تحاول
توضيح معزت شخص لم يعد يفهمكـ
عشت مع القصيده جو ثــاني ..!
ذكرني بآهات احزاني ..!!

نقدي لكــ .!

ابيات حلوه ومتراسلــهـ
وكلمات مختاره وراائعهـ

بس الوزن شوي مكسر ..!

يعني مثلا هناا

اقتباس :

كيف تحزن على شي تبيه ينتهي جد فهمني

رغم ان كلمة فهمني جايه صح بس خربت الوزن ..

يعني ممكن كان تقولين ..1

كيف تحزن على شي تبيه ينتهي يا ناسيني ..!

اقتباس :

أنا بغيابك مالقيت أحد يواسيني غير دموع

دموع خربت الوزن

كان بإمكانك تقولين ..!

انا بغيابك ما لقيت أحدن يواسيني ..
غير دموعي اللي تدفيني ..!

وبعد هنــآ ..!

اقتباس :

مالقيت غير ربي اشكيه همي وهو عالم مافي صدوري

صدوري .! جمع غير لائق كلنا نملك صدر وااحد :) وهم خربت الوزن ..!

كان ممكن تقولين ..!
مالقيت غير ربي اشكيه همي وهو عالم باللي فيني ..!

او وهو اللي يحس فيني ..!


ع العموم .. انتي طلبتي نقد وانا حااااولت ..!

واتمنى ما تزعلين .. لانه مجرد تعديلات من وجهة نظري :)

دائــما اكرر القوول من يكتب ليبدع ..

ففي عيني دائــما متميز ومبدع ..!

دمتِ بود

مني خذوك

مشكوره ع المرورك يالغلا

ومبسوطه ع تعليقاتك بالعكس احس انك

معنتي فيها

وصدقتي باللي قلتيه

ابدعتي يا مشرفتنا العسوله

وانا مع انتقدات اختي مني خذوك
وفي انتظار جديدك المميز ان شاء الله

تحياتي لك القلبيه يا الرومنسيه

ملوكـــــــــــــه

حيااك ملوكه

ومشكوره ع المرور

وانشاء الله في جديد

وانتظر تعليقاتكم عليها طبعا